[东方报]歐霸：賽程頻密必輪換 阿仙奴半和有基[10-06]

august

今晚歐霸A組賽事，阿仙奴主場迎戰波杜基林特。阿仙奴喺英超弗到漏油，但賽程頻密，嚟緊仲要硬撼利物浦，今仗難免要輪換；波杜基林特亦非善男信女，既然「兵工廠」近年主場出戰歐霸旺開半場和，不妨再追。

波杜基林特夠硬淨
阿仙奴上輪歐霸主場對燕豪芬延期，搞到嚟緊賽程更頻密，連同今仗在內去到11月中，佢哋個半月內要打12場波，都咪話唔癲，而且下仗英超要火併利物浦，難得今季聯賽開靚個頭，重要性遠勝今仗，預料主帥阿迪達將作出輪換。森比盧干加、法比奧韋拉及尼基迪亞等副選有望擔正，不過佢哋始終未夾熟，好難一埋位即撻着。

挪威班霸波杜基林特頭兩輪取得1勝1和，近5仗只曾1敗，相當硬淨。查實阿仙奴主場出戰歐霸戰績一般，近4次歐霸主場出擊，只得1勝2和1負，而且全開半場和，相信初段會先求穩陣，半場和可追捧。