[东方报]德甲：拜仁回勇可挫多蒙特[10-08]

august

多蒙特今晚同拜仁慕尼黑合演德甲「國家打吡」。兩隊開季表現飄忽，不過作客嘅拜仁近期經過調整後重拾霸氣，連續兩場大勝，反觀多蒙特飽受傷兵困擾，加上近年畀拜仁食住，今場直取客勝。

多蒙特今季失去艾寧夏蘭特後，實力大打折扣，加上隊長馬高列奧斯養傷，近3仗聯賽輸咗兩場，可以話係攻不銳、守不穩。加上佢哋近8次對拜仁全敗，心理上未踢先驚，就算有主場之利，搶分難度極高。

近兩場合派9蛋
拜仁慕尼黑早排表現患得患失，但近期再顯霸氣，上輪聯賽大炒利華古遜4比0，周中歐聯再派柏辛域陀尼亞5蛋，沙迪奧文尼同利萊辛尼都係連續兩場有波入，加上新星穆斯亞拿表現出大將之風，球隊攻力強勁，可望一舉擊敗死敵，客勝值博。