[东方报]歐冠：PSG賓菲加鬥謹慎追半和[10-11]

august

歐聯H組榜首大戰，法甲班霸巴黎聖日耳門（PSG）主場鬥賓菲加。兩隊同得7分排頭兩位，比第3位嘅祖雲達斯多4分，今場贏波一方出線機會極高，但亦因如此，雙方反而會變得謹慎，特別係賓菲加作客肯定主守，佢哋近7仗5次開半場和，再追無妨。

臨近世盃 MNM錫身難免
PSG三叉戟基利安麥巴比、尼馬同美斯入波易過食生菜，但佢哋早前傳出不和，加上賽程頻密兼臨近世盃，踢得較錫身亦無可厚非，「MNM」近期入波數字明顯下降。PSG上仗法甲收起美斯，尼馬下半場先落場，僅靠麥巴比一人撐住，結果只能同蘭斯踢成0比0。

賓菲加上輪主場同PSG各一平手，表現唔失禮，美斯嘅入波畀丹尼路彭利拿擺老烏抵銷，今晚作客巴黎，賓菲加梗係想照辦煮碗，希望喺呢場出線關鍵戰搶到分，佢哋上輪已經同「MNM」交過手，會諗定辦法阻止3人，加上球隊近期旺開半場和，半場和有計。