[东方报]歐冠：拿玻里托弗打爆阿積士[10-12]

august

歐聯A組第4輪，拿玻里主場迎戰阿積士。拿玻里近況大勇，歐聯連場大勝，上輪作客大炒阿積士6比1後，今仗返主場出擊備受看好，佢哋近3仗歐聯全勝，主勝冇走雞；作客嘅阿積士為爭出線焗攻，3.5球嘅入球大亦可一試。

搶分鬥攻大盤拖番注
拿玻里今季表現脫胎換骨，雖然恩斯治尼、梅頓斯、法比安彭拿、高列巴尼等主力離隊，但新陣容充滿驚喜；拉斯柏度尼、基華拉斯基利亞、森保安古沙同金玟哉等新兵極速融入，歐聯表現強勢，首仗4比1大勝利物浦先聲奪人，之後3比0贏格拉斯哥流浪、6比1大炒阿積士，3場比賽狂入13球，入球數字喺歐聯暫居首位，今仗返主場再鬥阿積士，贏面壓一。

阿積士同樣人腳大變，利辛度馬天尼斯、安東尼馬菲奧斯、賴恩格雲貝治、施巴斯坦賀拿離隊，雖有貝雲積、奧甘波斯等新兵加盟，但整體實力不如上季，歐聯頭3仗僅贏過格拉斯哥流浪4比0，之後對利物浦及拿玻里均敗北。阿積士今仗為爭出線非勝不可，即使杜辛泰迪治停賽，仍會豁出去同對手鬥攻，大盤一樣有計。