[东方报]歐霸：阿仙奴火猛半大屈基[10-13]

august

歐霸盃A組賽事，英超1哥阿仙奴作客挪威波杜基林特。兩隊實力雖有距離，不過踢法上同屬組織型嘅主攻球隊。波杜基林特為爭出線，主場唔會刻意求和；阿仙奴今季火力十足兼夾極度搶韁，1.5球嘅半場大好路。

阿仙奴喺A組兩戰全勝排榜首，雖然歐霸盃慣性輪換，但尼基迪亞、馬昆奴斯及法比奧韋拉等後備兵一樣有料到，尼基迪亞就連續兩輪取得入球。阿仙奴球員平均年齡極輕，往往喺早段就瘋狂施壓，近5仗半場總入球全開2球或以上。

波杜基林特堅持進攻踢法
波杜基林特上輪作客吞阿仙奴3蛋，但球隊堅持組織同進攻嘅踢法，返主場可望有更好發揮，佢哋近3仗歐霸盃主場狂轟11球，火力強勁，今場半場大屬好路之選。