[东方报]英超：李城搶分入球大啱心水[10-15]

august

周六英超早場大戰，李斯特城主場迎戰水晶宮，主隊上輪護級大戰輸畀般尼茅夫後，再次跌落榜尾，領隊羅渣士帥位岌岌可危，今仗主場要盡地一煲搶攻爭勝；作客嘅水晶宮同樣踢法進取，相信今仗會係開放式鬥攻賽事，中位數2.5球嘅入球大值得捧場。

李斯特城今季入球能力唔曳，進攻中場占士麥迪臣已有5球進帳。「狐狸」雖然聯賽成績墊底，但聯賽攻入15球，比起曼聯、車路士等勁旅更多，佢哋最大問題係後防錯漏百出，尤其防守死球能力極差，24個失波屬英超之冠。李斯特城有前冇後踢法製造大量入球，近4場總入球全開3球或以上。

水晶宮心雄作客鬥攻
作客嘅水晶宮自上季由韋拉執教後，踢法更加進取及具組織性，前線有韋費特沙夏及奧辛尼艾度亞迪等射手壓陣，兩人今季腳風頗順，水晶宮入球能力有保證。而且上場反勝列斯聯後，水晶宮士氣大振，面對頹勢嘅李斯特城，有足夠信心上演對攻戰，入球大值得捧場。