[东方报]英超：李斯特城回穩 主場恰列斯聯[10-20]

august

英超快車尾站，李斯特城主場迎戰列斯聯。李斯特城近況回穩，近3仗有兩場冇失波，季初防線穿窿問題有明顯改善，列斯聯作客成績奇差，近3仗作客全敗，今場凶多吉少，「狐狸」定必把握贏波機會，主勝有計。

諾定咸森林今輪快車搶到分，令到李斯特城重回榜末位置，球隊上下自然心急「追數」，今仗主場出擊係好機會，佢哋近兩仗主場錄得1勝1和，兩場都保持不失，後防問題有顯著改善；進攻方面，佢哋今季10仗攻入15球，屬榜尾各隊攻力最強，雖然占士麥迪臣停賽，但達卡、哈維班尼斯都有數胡能力，只要發揮正常，要攻破列斯聯防線難度不大。

列斯聯失波數字高企
列斯聯近況差勁，近6仗僅得2和4負，只得1場冇失波，當中作客3連敗失共8球，射手班福特持續低迷，今季上陣7次仍未開齋，上仗主場對阿仙奴射失12碼，連累球隊輸0比1，士氣再受打擊，班福特繼續敗家，今仗搶分機會更加渺茫。