[东方报]法甲：聖日耳門速食阿些斯奧[10-21]

august

今晚法甲獨腳戲，衞冕嘅巴黎聖日耳門（PSG）作客阿些斯奧。PSG實力贏幾條街之餘，最叻先發制人，加上有歐聯後顧，造訪經常先失波嘅阿些斯奧，勢必速戰速決，半場客勝有計。

盡早鎖定勝局留力歐聯
ＰＳＧ一向喺法甲打橫行，開咧11仗豪取9勝2和位居榜首，領先次席羅連安特3分，更係今季聯賽暫時唯一不敗之師，上輪王牌美斯復出，與基利安麥巴比及尼馬聯手嘅鋒線「ＭＮＭ」，以1比0力克勁旅馬賽。由於球員傷患問題及輪換需要，ＰＳＧ近期不像季初般火力全開，單計聯賽，近7仗取得6勝1和，其中4仗「煲魚生粥」險勝1粒，而呢6場勝仗，全部於上半場已取得領先，佢哋嚟緊下周中歐聯要對海法馬卡比，雖然出線機會高唱入雲，但依家同賓菲加同分，為爭首名不容有失，今仗必想盡早鎖定勝局，為應付歐聯留力。

升班球隊阿些斯奧略見起色，近4仗聯賽僅1敗，包括曾爆大冷反勝馬賽，不過佢哋經常先失守，近9仗聯賽有8次先失波，撞正擅玩速食嘅PSG，隨時半場都頂唔住，半場客勝捧得過。