[东方报]英超：曼城有鑊氣上盤收大禮[10-22]

august

英超周六10點場上演好戲，曼城主場迎戰白禮頓。「藍月亮」較早前不敵利物浦，要力追榜首阿仙奴，嚟緊都不容有失，尤幸佢哋主場出擊充滿信心，今季7場主場有6次贏對手2球或以上；白禮頓近仗啞火，難逃大敗厄運，讓球盤曼城讓2球，照捧上盤。

曼城上周聯賽作客0比1輸畀利物浦，自今年2月20日主場以2比3不敵熱刺後，經歷21場聯賽不敗再度輸波。其實以曼城實力，其他球隊要贏佢哋真係好難，今季仲有艾寧夏蘭特加盟，呢批對手變成想保住不敗就更加困難。

今季賽程比平常更頻密，今場「藍月亮」比白禮頓更着數之處，係原本嘅周中快車鬥阿仙奴，因「兵工廠」要踢歐霸盃延期，原本已經豪華過白禮頓嘅陣容，仲有充分休息，今場肯定有十足戰力，加上輸波後嘅飢渴感，艾寧夏蘭特、菲爾科頓喺強大中場支援下，應該可以不停搵到入波。

白禮頓態沉頂唔住
季初表現畀人驚喜嘅白禮頓，頭6場聯賽贏4場，但周中快車主場只能同諾定咸森林互交白卷，近3場0入球，而且近4場未贏過波，即是話樸達離開後，白禮頓仲未贏過。接手嘅迪薩比戰術仍然係主動，但作客曼城鬥攻等同自殺，「藍月亮」主場威力強勁，今場有望大炒一場，上盤可取。