[东方报]英联杯：諾定咸森林第一隊入球趁熱食[11-09]

august

同樣係英聯盃第3圈英超內訌，諾定咸森林主場火併熱刺。熱刺多線作戰疲於奔命，今仗未必夫添出擊，森林主場出擊經常打破僵局，不妨捧佢哋「第一隊入球」。

熱刺飽受傷兵困擾，孫興民、李察利臣等前鋒仍因傷倦勤，對進攻有一定影響。而且聯賽同歐聯極度頻密嘅賽程，令佢哋疲態畢露，往往於比賽初段希望想拖慢節奏回回氣，反而畀對手搶到主動權，導致後防受壓，各項賽事近6仗都先失波，其中5仗喺上半場已經失守落後，下場聯賽又要對住回勇嘅列斯聯，梗係重要過今仗，隨時收起部分主力。

近5主場都先開紀錄
森林狀態略見起色，近6仗獲1勝3和2負，已經唔係季初任人魚肉嗰隊弱旅，佢哋喺主場特別搶韁，近5次主場錄得1勝2和2負，全部都先開紀錄，其中4次喺上半場已打破僵局，可見森林主場比賽喺初段分外醒神，面對疲兵熱刺，一於捧森林「第一隊入球」。