[东方报]英联杯：阿仙奴開火主場收禮[11-09]

august

開季表現勇猛嘅阿仙奴，英聯盃第3圈主場迎戰白禮頓，有望藉主場之利闖關。「兵工廠」早前喺歐霸盃分組賽以6戰5勝佳績晉級，證明球隊具備多線作戰能力，憑住主場超強氣勢值得信賴，主勝萬勿錯過。

白禮頓作客防守曳
阿仙奴喺歐霸盃首名出線後，上仗作客又擊敗車路士，喺英超繼續做「1哥」，球員信心爆棚，英聯盃輪到一眾副選登場，好似法比奧韋拉、尼基迪亞、雷斯尼爾遜等小將都鬥志高昂，最重要係酋長球場威力驚人，阿仙奴今季9次喺主場出擊錄得全勝，近5仗主場4次保持不失，表現相當可靠。

另一邊廂，白禮頓今季屢有佳作，不過神奇表現都係「主場限定」，對上5場作客只有1勝1和3負，呢5仗都被攻入至少2球，今仗面對火力強大嘅阿仙奴，難逃輸波出局命運。