[东方报]英超：森林搶韁車仔易先失守[01-01]

august

諾定咸森林升班後徘徊榜下游，需要搶分護級，今場係好機會，因為對手車路士係Big 6中近況最差一隊，世盃前5仗僅得1勝4負，近3仗交白卷，森林為搶分必主動搶攻，「第一隊入球」值博。

車路士自10月底1比4大敗於白禮頓之後，期間僅在歐聯對薩格勒布戴拿模贏波，世盃前其餘賽事均落敗，世盃後上場聯賽2比0擊敗般尼茅夫似乎有起色，但其實只因對手更弱，球隊能否谷底反彈仲好難講，奧巴美揚仍然冇表現，入波要靠夏維斯同美臣蒙特，最大鑊係列斯占士再度受傷，對球隊打擊唔輕。

近6聯賽主場先開紀錄
諾定咸森林世盃後，先喺英聯盃4比1大勝布力般流浪，反映近況甚佳，上場吞曼聯3蛋只因作客，不能作準。事實上，佢哋近6仗聯賽主場竟全部先入波，可見有一班「死忠」支持下踢得特別落力，相信今場都唔例外。