[东方报]西甲：榜首保衞戰不容有失 馬體會巴塞細盤[01-08]

august

西甲爆發激戰，馬德里體育會主場迎戰巴塞隆拿，馬體會世盃後重新出發，錄得3連勝佳績，全面回勇，反觀巴塞喺西甲失分，被宿敵皇馬追至同分，今仗勢必謹慎，巴塞近5次作客馬體會全開2球或以下，2.5球入球細屬不二之選。

羅拔仔停賽3場攻力大減
馬德里體育會世盃後重拾狀態，喺西甲復賽憑祖奧菲歷斯及艾華路莫拉達各建一功，以2比0擊敗艾爾切，該仗球證共出示3張紅牌，馬體會守將馬里奧靴莫素停賽，須變陣迎戰。上仗西班牙盃，馬體會又以2比0贏奧維多，法國國腳基沙文踢足全場並交出助攻，足見球隊一眾進攻主力狀態理想，巴塞必須小心應付。

巴塞世盃後遭遇挫折，上仗西甲同市打吡戰1比1賽和愛斯賓奴，更有佐迪艾巴被逐，痛失兩分後聯賽領先優勢亦告消失，今仗對馬體會必須要倍加小心，賽前消息指王牌前鋒羅拔利雲度夫斯基須停賽3場，無緣披甲，或由費倫托利斯出任中鋒，要攻破馬體會嚴密防守有一定難度，入球細機會更高。