[东方报]英聯盃：森林回勇「第一隊入球」值追[01-11]

august

另一場英聯盃8強同樣係「英超對決」，諾定咸森林主場迎戰狼隊，兩支聯賽護級分子近期狀態各走極端，回勇嘅森林愈踢愈有信心，主場出擊更屢有佳作，相反狼隊換帥後仍然不穩。士氣高昂嘅森林乘主場之利會發動搶攻，有望先拔頭籌，諾定咸森林第一隊入球值得捧場。

狼隊前後都唔掂
森林今季升上英超後大換血，季初未適應下瘋狂輸波，不過球員磨合後表現漸有起色，尤其主場出擊威力甚強，對上6仗主場均保持不敗，而且往往能在比賽早段先聲奪人，近8仗主場有7次能夠先開紀錄，尼日利亞前鋒艾禾尼耶入局快兼極具侵略性，成為森林經常早開紀錄嘅關鍵人物。

狼隊西班牙主帥盧比迪古聖誕快車先正式帶波出戰，目前仍然喺摸索階段，球隊成績未見重大改善，近3場只得2和1負，今季加盟嘅迪亞高哥斯達已經唔係嗰回事，無復當年勇，難以擔起進攻大旗，上季進攻重心魯爾占美尼斯亦唔掂，已經退居後備，後防方面亦有不少漏洞出現，面對強勢嘅森林先失波機會極大。