[东方报]西超盃：羅拔佬叉爆電巴塞上盤殺迪[01-12]

august

今晚喺中立場沙特阿拉伯續有西超盃4強戰上演，由貝迪斯硬撼巴塞隆拿。巴塞射手羅拔利雲度夫斯基喺聯賽坐波監，養精蓄銳備戰今仗，加上近年碰頭食住對手，巴塞可望贏波入決賽，讓1/1.5球照捧上盤。

巴塞王牌「羅拔佬」聯賽要停賽3仗，包括日前惡鬥馬體會，令佢「叉足電」準備今仗。巴塞復賽後頭兩仗法定時間都和波，上仗聯賽憑奧士文尼迪比利奠勝，擊敗馬體會重返榜首，士氣大振。養傷多時嘅中堅朗奴阿拿奧祖已告復出，防線更加穩健，何況主帥沙維近期備受批評，如果捧走西超盃可起減壓之用，戰意唔使懷疑。

貝迪斯對賽往績輸蝕
上屆西盃盟主貝迪斯自2005年後再度出戰西超盃，不過佢哋近期表現麻麻，近6仗聯賽只得2勝，而且球隊一向有「恐巴症」，近7次交鋒錄得1勝6負，今仗凶多吉少。