[东方报]英冠：主場龍般尼輕鬆剪布[01-20]

august

英冠前列大戰，般尼主場迎戰西布朗，兩隊近況同樣出色，但係「1哥」般尼似乎更勝一籌，睇走勢有機會重返英超，值得重視。西布朗近期一輪搶分後升上第6，但同般尼仲有距離，睇番般尼今季主場未輸過，包括近9仗主場全勝，般尼小讓平半，上盤抵玩。

般尼喺英冠一枝獨秀，27戰得59分僅輸過兩場，領先第3位屈福特16分，升上英超只係時間問題，佢哋保留積克確克、積洛迪古斯、艾殊利班尼斯等舊人，今季由前曼城隊長高柏尼執教，將哥迪奧拿嘅控傳風格注入球隊，落到英冠可謂橫掃，場場壓住對手嚟打，特別係主場出擊，14戰10勝4和不敗，搶分十拿九穩，今場對住升班競爭對手之一嘅西布朗，肯定唔會玩嘢，定必全力爭勝。

西布朗體力輸蝕
西布朗季初曾有一段時間成績走樣，試過9場不勝，排名跌至中下游，踏入11月先發力，近10仗聯賽錄得9勝1負佳績重返前列，不過論整體實力似乎唔及般尼，而且近期因為英足盃第3圈需要重賽令賽程頻密，今仗匆匆再戰聯賽體力輸蝕，仲要作客般尼，輸波不足為奇。