[东方报]意甲：烏甸唔齊腳地頭獻細[01-30]

august

周二凌晨意甲獨腳戲，烏甸尼斯主場迎戰維羅納。烏甸尼斯以打入歐洲賽為目標，不過陣中兩大進攻創造者齊齊受傷，勢必削弱爭勝能力；維羅納為搶分護級，近期防守表現對辦，有力抵禦烏甸尼斯進襲，中位數2.5球入球細值得捧場。

烏甸尼斯近期狀態極差，上仗踢到88分鐘先至1比0贏森多利亞，拎到近11場聯賽第1勝，而且近5仗聯賽主場都未贏過，今場想贏波有難度。烏甸尼斯最大問題係進攻核心迪路菲奧受傷長抖，翼鋒羅拔圖佩雷拉亦因傷上陣成疑，缺少呢兩位進攻創造者，烏甸尼斯入波能力頓成疑問。

維羅納回勇頻搶分

維羅納依家身處降班區，暫時落後第17位嘅史柏斯亞6分，不過佢哋近期頻頻搶分，世盃後4仗有2勝1和1負，4場聯賽只係失過兩球，球隊日前借用斯洛伐克前鋒安德列杜達，但佢未趕得切今場披甲，預料維羅納今仗會繼續以守為先。翻查往績，雙方近8次對賽，有6次總入球開2球或以下，博入球細穩陣。