[东方报]歐冠：賓菲加托弗明恰布魯日[02-15]

十七号

歐聯16強另一場上演奇兵對決，布魯日主場鬥賓菲加，布魯日可算係一路奇兵，不過近況急速轉沉，反觀賓菲加喺葡超走勢強勁，踏入2023年未輸過，而且佢哋上季歐聯打入8強，有晒經驗，客勝睇高一線。

布魯日喺歐聯分組賽演出令人眼前一亮，頭3仗先後擊敗利華古遜、波圖同馬體會，打下出線基礎，不過之後表現突然走樣，分組賽後3仗僅得2和1負，最終被波圖反壓次名出線，而且佢哋狀態轉沉情況蔓延到本土賽，自去年11月至今僅得1勝，聯賽跌至第4位，以咁嘅狀態應付歐聯硬仗，主場都難睇好。

分組賽力壓ＰＳＧ奪首名
賓菲加亦係奇兵之一，佢哋今季展露霸氣，葡超成績一枝獨秀，喺歐聯H組兩戰爭冠分子巴黎聖日耳門均打成平手，最終更力壓對方首名出線，嚟到16強抽獲好籤，佢哋上季歐聯殺入8強，今季自然希望更進一步，雖然冬窗期間有安素費南迪斯離隊，但球隊表現未見走樣，葡超繼續強勢，加上近10仗歐聯8勝2和保持不敗，今仗有力反客為主。