[东方报]歐協：布拉加主場攞W最拿手[02-16]

十七号

歐協聯淘汰圈附加賽首回合，葡超勁旅布拉加主場迎戰意甲嘅費倫天拿，主隊近年喺歐洲賽進步神速，尤其主場戰績非常殺食，對住捲入聯賽護級漩渦嘅「紫百合」，絕對有能力先拔頭籌，主勝值得捧場。

布拉加今季喺葡超加入爭冠行列，同波圖、賓菲加兩大班霸競爭，亦係上屆歐霸盃嘅8強分子，實力唔需要懷疑。佢哋今屆歐霸盃分組賽雖然只排第3未能晉級，但「空降」歐協聯仍大有可為，尤其佢哋主場威力極強，近9仗歐洲賽主場，拎到7勝1和1負嘅佳績，地頭出擊表現極有保證。

費倫天拿近６場僅１勝
費倫天拿已經今非昔比，喺歐協聯分組賽亦只係次名出線，近6場比賽只係喺意盃贏過1場，聯賽5輪不勝後依家只係距離降班區7分，而且不足48小時後又要喺意甲對安玻里，兵源同精神都難以兼顧兩條戰線，今場布拉加贏面甚高。