[东方报]英超：曼城識留放細盤有着諾[02-18]

august

曼城作客諾定咸森林，「藍月亮」剛壓過阿仙奴暫做英超一哥，但佢哋要同時兼顧歐聯同英足盃，繼上場作客酋長球場同今場作客森林，嚟緊仲有ＲＢ萊比錫、般尼茅夫同布里斯托城3場客戰，而呢5場仲要喺15日內踢晒，留放顯得重要。而諾定咸森林近況唔錯，主場發揮穩定，相信有力頂住曼城不致大敗，森林近8場聯賽全開3球或以下，今場揀3.5球入球細好路。

森林防線頂得兩嘴
「藍月亮」今季作客成績一般，計埋盃賽，近4場只得1勝3負，當中有兩場仲要冇入波，為咗留力應付幾條戰線，預計嚟緊幾場都唔會太進取。另邊廂，正為護級搶分嘅諾定咸森林，已經由包尾上到第14位，近況唔錯，入到波之餘，防守能力都好好，近4場聯賽主場獲3勝1和，其中3場勝仗更保持不失，計晒主客成績，近8場聯賽更全開3球或以下，加上曼城有歐聯後顧，今場就算贏都未必會大炒，不如轉捧3.5球入球細。