[东方报]欧国外：丹麥回勇主場搶芬[03-23]

十七号

歐國外H組兩支出線熱門率先交鋒，由丹麥主場迎戰芬蘭。丹麥經過失望嘅世盃後，今屆矢志要重振雄風，領隊賀文特的起心肝提拔新血，備受期待嘅20歲前鋒賀蘭特將會擔大旗，實力強橫嘅丹麥人腳充裕，主場有力旗開得勝，讓球主勝放心捧場。（周五凌晨3時45分開賽）

芬蘭食老本難成大器
丹麥係上屆歐國盃季軍，自卡塔爾世盃分組賽出局後，賀文特就開始為未來鋪路，今次選用賀蘭特、謝勒特、戴亞等高質新人，演出令人期待。其中效力阿特蘭大嘅賀蘭特近況大勇，今季意甲已攻入7球，配合埋賀積查治、卡斯柏舒米高等經驗豐富球員，丹麥戰鬥力仍然有保證。

丹麥主場出擊甚少「甩拖」，近9仗主場取得7勝1和1負成績，當中6場係贏對手2球或以上。相反作客嘅芬蘭仍然「食老本」，仲係靠32歲射手迪姆普基獨挑大樑，面對踢法機動嘅丹麥，芬蘭獨沽一味穩守突擊戰術難以成事，丹麥有望大勝一場。