[东方报]欧国外：荷蘭博反彈半大擦魚腩[03-27]

十七号

歐國外B組賽事，荷蘭主場出擊迎戰「魚腩」直布羅陀。「橙衣軍團」自世盃後由朗奴高文重掌教鞭，分組賽首仗對法國即慘吞4蛋，今場必定要取得漂亮勝仗嚟重振聲威，主場勢必搶韁狂攻，有望喺上半場就大開殺戒，2.5球半場大要捧！（周二凌晨2時45分開賽）

荷蘭新帥朗奴高文採用4-3-3主攻陣式，可惜對法國前有5名球員疑因食物中毒退隊，加上法蘭基迪莊等主力受傷，結果殘陣之下慘敗而回。不過荷蘭鋒線人腳鼎盛，以迪比、沙維西蒙斯同貝侯斯組成嘅鋒線表現活躍，如果唔係迪比12碼宴客，至少可以破蛋。

鋒線群星圍攻直布羅陀
今仗面對「魚腩」直布羅陀，荷蘭仲有曼聯前鋒韋格賀斯、當耶爾馬倫等前鋒可以調動，進攻球員絕對質量十足，為爭取首勝會全力爭取大勝，相信可以瘋狂入球。直布羅陀近6場作客，有5場上半場總入球達3球或以上，捧2.5球半場大穩陣。