[东方报]意甲：祖記穩中求勝細鍊國米[04-04]

十七号

意大利盃4強首回合，祖雲達斯主場迎戰國際米蘭，祖記各項賽事5連勝，包括早前喺聯賽作客以1比0擊敗國米，今仗有地利，爭勝信心更強。至於上屆意盃冠軍國際米蘭或會採取保守戰術，希望力保不敗，等次回合返主場再搏殺。考慮到雙方近6次對賽有5次喺法定時間開總入球2球或以下，最好選擇2.5球入球細。（有線604及664台周三凌晨3時直播）

5連捷4場開細
祖雲達斯因為做假帳，被罰扣減聯賽15分，一度士氣受損，但好快重拾水準，有望重返意甲前4位。球隊保持一貫四平八穩踢法，無論贏或者輸，入球及失球數字都偏少，早前聯賽同2支強隊交鋒，分別0比1不敵羅馬，以及小勝國際米蘭1比0，就係最佳例子。同埋「祖記」近期5連勝走勢之中，有4場總入球係2球或以下，短時間內再同國米對壘，相信戰局唔會有大變化。

國際米蘭狀態欠佳，近4仗僅1和3負，前鋒盧卡古上仗面對空門失機，腳風非常唔順。教練施蒙尼恩沙基亦備受下台壓力，盛傳會方計劃邀請干地回巢執教。對於「細恩」而言，今仗意盃大戰，實在輸唔起，吸取早前對祖記一役，太早失波嘅教訓之後，今仗應該會先做好防守，避免重蹈覆轍，預料會出現拉鋸局面，入球唔會多。