[东方报]西甲：巴塞要交代半勝爆基[04-10]

十七号

今輪西甲壓軸之戰，巴塞隆拿主場對基羅納。雙方實力差距懸殊，巴塞贏波屬基本任務，加上佢哋剛於西班牙盃4強慘敗畀宿敵皇馬，急需一場漂亮勝仗重振軍心，勢必盡數對手。巴塞近4場聯賽3次上半場領先，主Ｗ冇肉食不妨轉玩半場主勝。（Now 632周二凌晨3時直播）

巴塞現時遠遠拋離次席皇馬12分，仲要踢少一場，重奪西甲十拿九穩，本應唔使咁心急，問題係佢哋上仗西班牙盃4強次回合，主場慘吞皇馬4蛋，恥辱性被淘汰，球員表現慘不忍睹。今晚聯賽再次喺魯營出擊，必須踢番場好波同球迷交代。好彩巴塞出戰西甲水準穩定得多，近12場聯賽贏11場，包括上輪大炒艾爾切4球，相信半場時間就足夠攻陷基羅納大門。

基羅納戰意成疑
基羅納位處聯賽榜中游，同降班區有段距離，高不成低不就下缺乏鮮明目標，戰意成疑。同埋佢哋防守甚為脆弱，近3場聯賽作客共咗7粒，包括對弱隊基達菲，竟然上半場落後3球，今仗遇上攻力強橫嘅巴塞，恐怕前景更加悲觀，睇怕半場都難頂。