[东方报]英超：阿仙奴Chur盡大開殺戒！[04-21]

十七号

搶分衝冠唔放過修咸頓
英超冠軍爭逐愈趨緊湊，榜首阿仙奴連續兩場失分後，領先優勢已所剩無幾，周六凌晨主場迎戰修咸頓不容再失，喺酋長球場出戰必定火力全開。榜尾修咸頓要爭取護級，同樣唔能夠坐以待斃，兩隊都有強烈進攻意欲，今仗開出中位數3.5球大盤機會高。（Now 621及611周六凌晨3時直播）

阿仙奴喺爭標關鍵時刻頻頻失誤，對上兩仗作客利物浦同韋斯咸，都係早段領先兩球嘅大好形勢下，因為唔集中出現犯錯，最終被逼和失分。「兵工廠」依家只係領先次席曼城4分，而且踢多1場，季初積落嘅優勢差唔多蒸發晒，而且佢哋下星期就要作客曼城，榜首大戰前肯定想攞番場漂亮勝仗壯行色。

其實「兵工廠」火力仍然強勁，巴西前鋒加比爾捷西斯已連續3仗入波，同隊友馬田奧迪加特、加比爾馬天尼利、布卡約沙卡組成嘅攻擊線威力十足，吸取過近期領先後「收油」嘅慘痛教訓，今仗必定由頭攻到尾；阿仙奴近4場聯賽總入球全開4球或以上，主場肯定繼續大踢進攻足球。

聖人要護級駁火頑抗
「聖人」修咸頓依家位居榜尾，不過佢哋同安全區只有4分差距，如果及時振作，護級仍然有希望，球員勢要把握每個爭勝機會，今仗就算作客酋長球場絕對唔會死守求和。既然兩隊都戰意旺盛，好大機會以進取踢法互相駁火，捧入球大相當穩陣。