[东方报]西甲：巴塞傷鋒半場捱細界[04-26]

十七号

今晚西甲繼續開快車，其中榜首巴塞隆拿作客華歷簡奴。巴塞今季防守冠絕西甲，尤其作客以穩陣行先，面對踢緊風流波嘅華歷簡奴，初段隨時大放悶蛋，1.5球半場細熱得有道理。（Now 632周四凌晨4時直播）

雖然巴塞教頭沙維崇尚進攻，不過喺翼鋒奧士文尼迪比利養傷後，箭頭羅拔利雲度夫斯基表現跌Watt，近7仗聯賽有6仗食白果，加上傷兵不斷，沙維不得不作出調整，甚至不時打穩守突擊。佢哋勝在防守穩健，以門神達史特根為首嘅防線，今季30仗聯賽只係失咗9粒咁大把，其中23仗保持清白之身，包括上仗險勝馬體會1比0，可謂銅牆鐵壁。

華歷簡奴冇進攻動力
而另一邊華歷簡奴位處中游，既無降班威脅，但爭下屆歐洲賽席位亦機會不大，難怪近期聯賽頻頻失分，正宗風流波，戰意欠奉，主場出擊亦不宜高估。巴塞早前喺西盃4強倒灶遭皇馬踢出局，目標只剩聯賽錦標，佢哋依家喺榜首遙遙領先，只要穩打穩紮，冠軍便成囊中物，何況每逢客場初段必穩字行頭，近5仗作客4次半場開1球或以下，1.5球半場細捧得過。