[东方报]英超：曼城弗到震速擒富咸[04-30]

august

今晚英超爭標關鍵戰，富咸主場硬撼「藍月亮」曼城。曼城連場報捷弗到震，為爭標1分都不能少，加上擅於先發制人，富咸隨時連半場都頂唔住，半場客勝有計。（Now 621及611周日晚9時直播）

曼城3線作戰下未見走樣，繼上周擊敗錫菲聯殺入英足盃決賽後，上周中聯賽又大勝榜首阿仙奴4比1，各項賽事近13仗豪取12勝1和，氣勢如虹。

好難頂住夏蘭特
主帥哥迪奧拿今季輪換得宜，不但令射手艾寧夏蘭特士哥不斷，以33球刷新英超38輪時代單季最多入波紀錄，連後備嘅祖利安艾華利斯、馬列斯亦屢有佳作，其中馬列斯喺英足盃贏錫菲聯3比0之役戴帽，可見一眾主力同副選均狀態大勇。

另邊廂，富咸箭頭阿歷山大米祖域仍要繼續坐波監，無疑影響攻力，上周中聯賽輸畀勇銳嘅阿士東維拉，而且後防亦唔穩，近期幾乎場場有失波，加上爭歐洲賽席位機會一般，戰意成疑，主場出擊亦信唔過。何況曼城一向快刀斬亂麻，各項賽事近9仗有7仗半場領先，為爭標不容有失，必強攻求速戰速決，半場客勝捧得過。