[东方报]欧国外：羅馬尼亞鐵桶陣細抗瑞士[06-19]

十七号

今晚歐國外I組上演榜首大戰，瑞士主場火併羅馬尼亞。瑞士3戰全勝，理論上可以睇高一線，但次席羅馬尼亞同樣3戰不敗，防守尤其出色。睇番瑞士主Ｗ得1.25倍風險頗大，加上近5次對賽，4次總入球開2球或以下，中位數2.5球嘅入球細更抵玩。■（周二凌晨2時45分開賽）

瑞士上年世盃打入16強，今次點兵有阿仙奴中場格列沙加、曼城後衞文路爾艾簡治及拜仁門將恩尼森馬等人壓陣，可惜鋒線就唔算可靠，上年世盃有兩球進帳嘅比列安保路今次因傷落選，上仗對魚腩安道爾都只係小勝2比1，遇上防守穩健嘅羅馬尼亞，想入波有難度。

人腳所限專注防守
羅馬尼亞積弱多年，但今屆歐國外成績唔錯，3戰2勝1和只失1球。佢哋以本土聯賽及意乙球員為主，「限米煮限飯」下，領隊伊奧丹尼斯古專注防守，同時令入球數字偏低，3場歐國外僅入4粒，上仗作客就悶和科索沃0比0，遇上實力高一皮嘅瑞士，一於疊埋心水擺「鐵桶陣」死守，預料入波唔會多，細盤有得諗。