[东方报]德甲：萊比錫開餐歎私房菜[08-25]

十七号

今晚德甲獨腳戲戲碼，上演RB萊比錫主場鬥史特加；RB萊比錫一向剋住史特加，自2017年開始於德甲亮相，10次鬥史特加獲8勝2和壓倒性成績，今仗主場出擊又係開餐時間，讓球盤RB萊比錫讓1球，上盤抵玩。（Now 639周六凌晨2時30分直播）

RB萊比錫聯賽開咧戰作客不敵利華古遜2比3，不過唔使太擔心佢哋，因為萊比錫習慣出閘脫腳，連埋今季已經連續3年開咧戰不勝，但經過一場熱身後，今仗返回主場將會重拾本色。唔好忘記RB萊比錫曾經喺德超盃3蛋大炒拜仁，丹尼爾奧莫近呢兩場夾埋仲入咗4球。

近10次對史特加8勝
史特加前季重返德甲，最近兩季都喺下游浮沉，今年開咧戰大炒波琴5比0確係令人嚇一跳，不過波琴本身都唔係叻仔，唔好睇得史特加太高，今場面對RB萊比錫就會見真章。史特加遇親萊比錫都無好結果，近10交手輸8次，最叻都係和過兩場，相信好難打破魔咒，捧RB萊比錫上盤最正路。