[东方报]西甲：近8次交手贏7仗 馬體會格食格上盤抵玩[08-28]

十七号

今輪西甲壓軸戰上演「小馬德里打吡」，由華歷簡奴主場對馬德里體育會。華歷簡奴雖然開咧兩連勝，但對手實力一般，今場面對同市勁敵先見真章，馬體會一向食住華歷簡奴，近8次交手獲7勝1和壓倒性佳績，今場只係小讓平半，上盤抵玩。（Now 632周二凌晨3時30分直播）

華歷簡奴前季重返西甲後，連續兩季都喺中游衝過終點，球隊實力喺同市球隊當中，只係同基達菲差唔多，與兩大班霸皇家馬德里及今仗對手馬德里體育會有一段距離。

華歷簡奴虛火唔睇好
華歷簡奴雖然今季開咧表現有驚喜，取得開季兩連勝，聽落好似好勁，不過睇真啲，佢哋擊敗嘅對手只係前季升班嘅艾美利亞，同今季升班嘅CF格蘭納達，不宜過份睇好。

另邊廂，馬德里體育會近況積極，周中喺冇正式賽事下，自己約戰低組別球隊紐文西亞拍跳，希望球員盡快上力。馬體會除咗防守硬淨之外，上季聯賽入波數字已經同巴塞隆拿一樣，只比皇馬少，大家唔好再覺得佢哋只係識打防反，馬體會對住弱旅有足夠能力完全控制戰局，加上佢哋對住華歷簡奴特別醒神，近8次交手獲7勝1和，今場絕對有力反客為主。