[东方报]欧国外：塞爾維亞主W實食冇黐牙[09-07]

十七号

同時間仲有場歐國外G組榜首之爭，塞爾維亞主場火併匈牙利，兩隊同樣3戰2勝1和得7分，亦同樣攻入5球，匈牙利憑較少失球暫居榜首，不過論近況塞爾維亞近5仗4勝1和，明顯較佳，主勝看高一線。（周五凌晨2時45分開賽）

塞爾維亞雖然喺去年世盃分組賽出局，但主帥史杜高域地位未有動搖，繼續領軍出戰歐國外，目標力爭出線，今次點兵，塞爾維亞精銳盡出，杜辛華荷域、阿歷山大米祖域在前線領軍，中場就有隊長杜辛泰迪治，率領米連高域沙域、菲臘高斯迪等，經過世盃洗禮後都成熟咗，戰力更強。

匈牙利虛火靠唔住
至於匈牙利上屆曾亮相歐國盃決賽周，但喺世盃外僅得小組第4出局，依家排小組榜首隨時係虛火，主帥馬高羅斯則徵召3名新臉孔入隊，另外門將古拉施斯闊別一年再次入選，靠蘇保斯拉爾單天保至尊，人腳實力似乎唔夠照，搶分有難度。