[东方报]国友赛：英格蘭新星爭位開大蘇[09-12]

十七号

國際熱身賽上演「英倫打吡」，蘇格蘭主場迎戰英格蘭，蘇格蘭喺歐國外A組5戰全勝領先，今場國際熱身賽係檢閱實力好機會，英格蘭同樣喺C組帶出，修夫基亦要把握練兵機會，落場球員同樣鬥志十足，雙方近5次交手4次開3球或以上，再追2.5球入球大。（周三凌晨2時45分開賽）

蘇格蘭主攻食住上
蘇格蘭喺今屆歐國外表現神勇，擊敗小組實力最強嘅西班牙，同埋有艾寧夏蘭特在陣嘅挪威，上仗作客贏塞浦路斯3比0，麥湯米尼同約翰麥甘尼各交出1射1傳，出線十拿九穩，主帥奇勒可以開始為明年決賽周部署，今仗主場出擊，加上對手係宿敵英格蘭，全隊上下戰意高昂。

英格蘭上仗歐國外雖然只能1比1逼和烏克蘭，但佢哋喺C組5戰4勝1和依然遙遙領先，同樣出線在望，主帥修夫基今次選咗幾位新兵，鋒線會試用尼基迪亞同伊比爾治伊斯，中場干拿加歷查同後防高維爾都有望登場，不過無論點變，「三獅兵團」攻力都喺度，今仗同蘇格蘭合演入球騷唔出奇。