[东方报]欧国外：比利時狂鋒吹襲奧地利[10-13]

十七号

至於另一場歐國外F組榜首大戰，奧地利主場迎戰比利時，兩隊目前同樣以4勝1和並列榜首，攜手出線形勢大好。比利時自泰迪斯高上任後，成績已逐漸冒升，今仗對住有王牌缺陣嘅奧地利，值得睇高一線，捧客勝好路。（周六凌晨2時45分開賽）

比利時近年面臨青黃不接問題，不過自德國教頭泰迪斯高上任之後，對謝利美杜古、阿馬度奧拿拿、巴卡約高等新星委以重任，為球隊重新注入活力，加上首席前鋒盧卡古近期喺意甲亦重拾狀態，令比利時重現歐洲一線勁旅本色。

近4場作客全勝
另邊廂，奧地利喺蘭歷克領軍下表現其實唔差，可惜今場大戰前出現壞消息，核心人物阿拉巴因傷退隊，缺少呢位皇家馬德里球星，將會嚴重咁影響奧地利中後場嘅組織力，面對比利時強大嘅鋒線將會難以招架。加上比利時近4場作客全勝，今仗有望反客為主，再開客勝。