[东方报]欧国外：英超兵助拳威爾斯贏到美[11-18]

august

歐國外D組爭出線形勢緊湊，暫排第2位嘅威爾斯將會作客第4位嘅阿美尼亞，呢兩隊同埋克羅地亞都有機會拎到直接出線席位，今場肯定打崩頭！威爾斯目前形勢佔上風，而且球隊近況大勇，贏晒最後兩場先有機會出線，戰意高昂，可直取客勝。（周六晚10時開賽）

阿美尼亞冇球星孭飛
阿美尼亞依家落後威爾斯同克羅地亞3分，要保住些微出線希望，今仗係非勝不可，但佢哋依家狀態頗差，近4場比賽1和3負，最近3連敗更只入得1球，自米希達利恩退役後已經冇球星可以孭飛，對住實力稍強球隊即原形畢露，主場出擊都信唔過。

相反作客嘅威爾斯愈戰愈勇，上一輪2比1擊敗克羅地亞，令出線形勢由被動變主動。威爾斯陣中有比蘭莊臣、賓戴維斯、哈利威爾遜同大衞布魯克斯等當打英超球星壓陣，而且爭出線決心十足，加上3連勝氣勢，好大機會再下一城，客勝可以放心捧場。