[东方报]意甲：下游掙扎靠主場搵食 卡利亞里大盤夠薩[12-11]

十七号

今晚意甲尾場，卡利亞里主場硬撼薩斯索羅。卡利亞里深陷降班漩渦，必想藉地利搶分，薩斯索羅一向踢法進取，隨時合演入球騷，2.5球入球大不容錯過。（Now 638周二凌晨3時45分直播）

卡利亞里喺老帥雲尼亞里回巢帶領下，今季重返意甲，雖然一直都喺下游掙扎，深陷降班漩渦，但單計近3場聯賽主場獲2勝1和，當中不乏佳作，包括迎戰費辛隆尼落後3球下，實現大逆轉反勝4比3，可見佢哋喺自己地頭出擊唔會保守，依家要搶分護級，一定豁出去搶攻。

薩斯索羅有前冇後
另邊廂，薩斯索羅今季明顯走下坡，依家只係比卡利亞里多5分，不過呢班波嘅進攻風格未減，14場聯賽入咗21粒，但失咗26球，王牌杜文尼高貝拉迪亦有7球進帳，位居射手榜次席。

值得一提，與近期「主場不利」相比，薩斯索羅客場表現較佳，近5場聯賽作客錄得2勝1和2負，包括造訪國際米蘭爆大冷贏2比1，上仗作客又以4比3力克安玻里，呢5仗有4次開3球或以上，證明佢哋作客一樣有前冇後，今場一定多波入，大盤有買趁早。