[东方报]非國盃：赤道畿內亞踢守細波特醒[01-22]

十七号

非國盃A組最後一輪形勢緊湊，頭3隊都有機會出線，東道主科特迪瓦對赤道畿內亞就係關鍵賽事。赤道畿內亞目前4分排榜首，對住鋒力麻麻嘅科特迪瓦，有力保住出線優勢，2.5球入球細值得支持。（Now 638周二凌晨1時直播）

赤道畿內亞上仗大勝畿內亞比紹，連續12場賽事不敗，出線形勢大好，不過唔好比上一場嘅戰果呃到，赤道畿內亞一向係守強於攻，對上8場比賽，有7場總入球開2球或以下，今仗只要唔輸就出線，必定專注防守博1分，有力頂住主隊攻勢。

科特迪瓦進攻冇料到
另邊廂，科特迪瓦作為主辦國，今屆演出令人失望，上仗輸畀尼日利亞受到唔少批評，法國主帥加錫爭議性唔選韋費特沙夏參賽，大大影響球隊進攻創造力，尼高拉斯比比狀態持續低迷，加上施巴斯坦賀拿因傷上陣成疑，科特迪瓦猶如冇牙老虎，要入赤道畿內亞波有難度。