[东方报]亞洲盃：塔吉克黎料搶攻大作戰[01-22]

十七号

至於A組另一場生死戰，塔吉克同黎巴嫩兩隊都只有1分在手，如果今場打和，最終可能一齊出局，反觀贏波一方基本上可以出線，形勢驅使之下，惟有豁出去搶攻爭勝，有利製造入波，最好揀中位數2.5球嘅入球大。（周一晚11時開賽）

首次打入亞洲盃決賽周嘅塔吉克表現並唔失禮，首仗對住中國，踢法主動，並創造唔少攻勢，未能入波打和0比0實屬欠運。塔吉克上仗出戰東道主卡塔爾，力戰之下僅以0比1落敗，亦已經有交代。呢支中亞球隊經過2場比賽之後，愈踢愈有信心，來到最後1場分組賽，對同組實力較弱嘅黎巴嫩，應該會踢得比較開放，無論是否勝出，最起碼都要取得球隊史上首個亞洲盃入波。

黎巴嫩求破蛋豁出去
至於黎巴嫩吞卡塔爾3蛋之後，上仗同中國打和0比0，同樣希望取得今屆入波「零的突破」。值得一提，黎巴嫩上屆亞洲盃，都係首2場分組賽食白果，但最後1場大發神威贏北韓4比1，所以唔好低估黎巴嫩反撲能力，大盤博得過。