[东方报]欧冠：國米馬體會細均力敵[02-20]

十七号

國際米蘭喺今晚歐聯16強首回合主場鬥馬德里體育會。「藍黑兵團」上季歐聯殺入決賽，離冠軍只差一步，佢哋連同上屆，近9場歐聯7次開2球或以下，踢法謹慎；馬體會向來以防守硬朗見稱，首回合雙方必求穩陣，入球唔慌多，吼2.5球入球細。（Now 643周三凌晨4時直播）

「藍黑兵團」歐戰謹慎
國米近況勇銳，踏入2024年各項賽事8連勝，並且捧走意超盃，聯賽少踢一場下領先祖雲達斯9分，暫時大可專心歐聯。呢支意甲「藍黑兵團」今季6場分組賽，4場開2球或以下，包括兩鬥皇家蘇斯達，踢成0比0及1比1，相當謹慎，對住馬體會冇乜優勢，就算主場都唔會亂攻。

馬體會上場聯賽大炒拉斯彭馬斯5蛋，為今場壯行色，值得一提主帥施蒙尼同國米教頭施蒙尼恩沙基，係1999至2000年拉素「雙料冠軍」隊友，對意甲球隊唔會陌生。由於射手艾華路莫拉達缺陣，前線得番迪比同基沙文，預料會靠穩守突擊搵食，加上佢哋近3場作客全開2球或以下，到訪聖西路會守住先，盡量唔失波等次回合鍊過，細盤高唱入雲。