[东方报]歐霸：歐戰改變踢法羅馬精打細算[03-07]

十七号

歐霸盃16強焦點大戰，意甲羅馬主場鬥白禮頓。「首都狼」踢聯賽夠豪邁，但轉戰歐霸盃勁保守，近6場歐霸盃有5場總入球係2球或以下。英超「神奇球隊」白禮頓翼鋒三笘薰長抖，攻力大打折扣，首選中位數2.5球嘅入球細。（Now 644周五凌晨1時45分直播）

羅馬1月中改由名宿迪羅斯執教後，戰術比前任主帥摩連奴進取，頻頻創造大比數賽果，但留意番只限聯賽，佢哋踢歐霸盃風格截然不同，上圈同飛燕諾交鋒，兩回合都踢成1比1，最終憑互射12碼晉級。事實上嚟到淘汰賽階段，稍一不慎犯錯，就會冇仇報，迪羅斯沿用「寸王」嘅保守戰術應付呢項賽盃，實屬正常，預料今仗都會穩陣行先。

三笘薰長抖白禮頓啞火
白禮頓狀態走下坡，近5場比賽僅1勝，屋漏偏逢連夜雨，「進攻發電機」三笘薰上月對錫菲聯受重傷，可能提早收咧，對球隊打擊非常大。喺佢缺陣下白禮頓近3場只有1和2負，並且已經連續兩場食白果，恐怕難以攻破羅馬大門。睇番「海鷗」近4場歐霸盃總入球全開2球或以下，入球細值得追捧。