[东方报]英足盃：全民皆兵傾力數胡 地頭龍曼城半W啱素[03-16]

august

英足盃8強爆發「石油打吡」，曼城主場迎戰紐卡素，「藍月亮」於歐聯順利入8強，聯賽緊守第3位，英足盃亦會全力出擊，力爭衞冕「三冠王」，佢哋近5次主場對「喜鵲」全部半場領先，加上紐卡素作客後防多甩漏，半場主勝放心捧場。（無綫myTV SUPER周日凌晨1時30分直播）

曼城上場英超榜首大戰同利物浦踢成1比1，落後阿仙奴同利物浦1分排第3，但就被捧成英超奪冠大熱門，而喺英足盃同歐聯，同樣保持大熱門地位，皆因哥迪奧拿手上兵力雄厚，主力同輪換陣容都有極強戰鬥力，例如奇雲迪布尼有傷在身可能缺陣，球隊仍有祖利安艾華利斯、謝利美杜古、菲爾科頓等攻擊手可用，艾寧夏蘭特之前抖咗兩個月，復出後都有好表現，今季已交出29球6助攻，預計今場又可繼續數胡。

紐卡素後防多甩漏
另邊廂，紐卡素近況低迷，近5場僅1勝，而且防線極度不穩，上場2比3輸畀車路士後，近8場賽事7場先失球，而且作客表現更差，近5場作客全部都先失波，共失11球之多，今場作客曼城料難保持清白，極可能上半場已失守。