[东方报]歐國外：愛沙尼亞未夠班 波蘭急攻半W擦魚腩[03-21]

十七号

歐洲國家盃外圍賽附加賽A組，排名最高嘅波蘭主場撲擊排名最低嘅愛沙尼亞。愛沙尼亞喺外圍賽不堪一擊，8戰1和7負，完全唔夠班，波蘭今場堪稱不勝無歸，球隊近4場賽事，3次半場領先對手，佢哋有羅拔利雲度夫斯基壓陣，肯定一開波就急攻，熱捧半場主勝。（周五凌晨3時45分開賽）

先同大家溫故知新一吓，呢個附加賽，就係之前歐國聯攞到好成績，A、B、C及D級聯賽榜首嘅球隊參加。附加賽分A至C三組，每組4隊抽籤先踢1場過淘汰賽，贏咗嗰隊晉級附加賽「決賽」，再贏就可以入歐國盃決賽周。依家波蘭同愛沙尼亞勝方，下周三凌晨就會對威爾斯對芬蘭勝方。

愛沙尼亞係歐國聯D組聯賽最佳成績嗰隊，雖然獲得參賽資格，但賽制規定佢哋只係負責「戥腳」，由於好多球隊原本已經靠歐國盃外圍賽直入決賽周，變成由A級聯賽球隊，組成嘅A組賽事唔夠4隊，愛沙尼亞呢支魚腩隊，就率先要進入呢組湊數，咁即係送羊入虎口。

盡快奠勝留力踢決賽
另邊廂，波蘭牌面贏愛沙尼亞一條街，加上射手羅拔利雲度夫斯基喺巴塞隆拿重拾射門鞋，今場肯定甫開賽就急攻，盡快鎖定勝局，迎戰幾日後嘅決賽。愛沙尼亞於歐國外8戰只得1和7負，對住比利時及瑞典等勁旅完全毫無還手之力，今場好難頂得住波蘭強攻，熱捧半場主勝。