[东方报]世盃亞洲：巴林出線在望速戰速決[06-06]

十七号

今晚H組賽事，巴林主場撲擊也門。巴林出線在望，為免夜長夢多，勢必速戰速決，也門隨時連半場都頂唔住，直取巴林半場勝。（on.cc東網周五凌晨1時30分直播）

H組目前阿聯酋累積12分，甩開排第3嘅也門9分，提早晉級，而巴林4戰9分排第2，今場唔輸就肯定出線。巴林狀態唔錯，近5場獲4勝1負，只曾輸畀勁旅日本，4場勝仗全部先開紀錄，其中3場上半場已領先，單計今屆4場世盃外，亦有3次半場領先，踢法搶韁。既然近況咁弗，當然唔希望出現差池，想早入波粉碎也門信心，預計一開波就獅子搏兔。

也門未夠班半場難捱
也門小組4戰1勝3負，唯一勝仗係擊敗實力最弱嘅尼泊爾，首循環主場對住巴林都淨吞兩蛋，而且上半場已經失守，實力差一班，造訪急欲搶先機嘅巴林更難招架，半場落後屬意料中事。