[东方报]英錦賽：雷丁夠卡士恰到紐波特郡[11-12]

十七号

英錦標南部H組賽事，雷丁主場迎戰紐波特郡。雷丁前季因財務問題被扣分後降落英甲，現時排英甲第9，計「卡士」高過英乙中游分子紐波特郡好多，加上雷丁主場表現特佳，近期5連勝，主勝睇高一線。（周三凌晨3時開賽）

雷丁近年原本喺英冠角逐，因為欠薪及未有按時繳稅等問題，被裁定違反財務條款而多次被扣分，前季由英冠降落英甲，甚至落到英甲都繼續被扣分而捲入護級漩渦，今季終於穩定落嚟，球隊可以專心比賽爭取好成績，以佢哋英冠級別嘅水平，要喺英錦標分組賽爭出線，當然着數。

出線「6分波」必去盡
現時南部H組形勢，車頓咸3戰全勝已出線，雷丁同紐波特郡各得3分排2、3位，今場正面對決屬爭奪次名出線席位嘅「6分波」，擁有主場之利嘅雷丁肯定佔優，再睇紐波特郡近況甚差，近2場全敗失6球，包括英足盃首圈不敵英甲球隊彼德堡出局，今場作客雷丁勢難逃再敗。