[东方报]歐冠：仙摩激戰大有睇頭[12-11]

十七号

歐聯前8名位置競爭激烈，阿仙奴主場迎戰摩納哥係關鍵賽事，兩隊喺前5輪後分別排第7同第8位，今場勝負直接影響出線形勢，呢場「仙摩大戰」肯定打甩髀！阿仙奴近期狀態唔錯，而摩納哥嘅主攻踢法亦好有睇頭，今場好大機會駁火，首選3.5球嘅入球大！（Now639周四凌晨4時直播）

雙方依家同樣5戰3勝1和1負，阿仙奴近況唔差，對上4場有3勝1和，包括上輪歐聯大炒士砵亭5比1，而且入球點分布甚廣，火力非常強勁。「兵工廠」嘅死球戰術更加係一大殺着，令對手防不勝防，「兵工廠」今仗要撕破摩納哥防線並唔困難。

摩納哥轟12球睇齊紅軍
至於法甲勁旅摩納哥亦唔係善男信女，今屆歐聯已有12球進帳，同榜首利物浦睇齊，而且贏過西甲勁旅巴塞隆拿，有一定實力。不過佢哋條防線就唔太穩陣，造成近4場歐聯，有3次總入球開4球或以上，3.5球嘅入球大值得捧場。