[东方报]意甲：拉素讓主米走雞[12-16]

august

地頭龍狀態大勇
意甲爭逐非常緊湊，今晚上演拉素主場鬥國際米蘭嘅前列大戰，戲碼強勁。兩隊今季表現都好出色，不過國米上周中喺歐聯輸波被打窒道氣，到訪近況勇猛兼主場極惡嘅拉素，好可能會再陷苦戰，今場仲要讓波，不宜高估，用拉素讓球主勝做過關膽啱數。（周二凌晨3時45分開賽）

拉素今季名列前茅，主場成績「靚仔」係最大原因，今季聯賽主場7戰錄得6勝1和，包括最近喺自己地頭5連勝，幾個前鋒近期狀態唔曳，諾斯連、保拿爾迪亞、薩卡尼同伊薩辛等輪流入波，分散攻擊點令對手防不勝防。

拉素踢出信心，最近更加遇強愈強，對上3場賽事，先喺意盃同聯賽兩挫強敵拿玻里，再喺歐霸盃作客輕取阿積士，球員信心爆棚，今次主場出擊有力取分。

國米歐聯輸波打窒道氣
國米近期表現都算穩定，但日前就喺歐聯被利華古遜「絕殺」，打破保持咗3個月嘅不敗身，對士氣有一定打擊，而且中堅法蘭斯高阿沙比受傷後，防守穩健度出現下滑，隨時被拉素有機可乘，今場讓球主勝值得支持，適宜用作過關變倍器，若想更有分頭，不妨直取主勝。