[东方报]意盃：祖記卡利亞里大駁火[12-17]

十七号

今晚意大利盃16強焦點戰，祖雲達斯主場迎戰卡利亞里。雖然祖記實力秤先，但近期防守唔多穩陣，今場隨時以攻代守，同卡利亞里駁火，捧2.5球入球大更上算。（周三凌晨4時開賽）

衞冕嘅祖雲達斯近況認真麻麻，除咗喺歐聯擊敗信心盡失嘅曼城外，各項賽事近6場和咗5場，儘管佢哋喺聯賽仲係不敗之師，不過近期防守出現唔少漏洞，上場對住弱旅威尼斯，一度反先情況下，仍喺末段失守被逼和2比2，加上近4次面對卡利亞里，有3次開3球或以上，既然防守未搞掂，倒不如狂攻搶先機。

近年交手多波入
卡利亞里實力只係有限公司，依家喺聯賽下游掙扎，但今季出戰強隊踢得非常開放，例如以3比3逼和AC米蘭、慘吞拿玻里4蛋等，可見其防線弱不禁風，擋唔住祖記嘅快攻，不過主W太熱冇肉食，轉捧入球大更佳。