[东方报]德盃：兼顧3條戰線利華慳力半場收科[02-05]

十七号

今晚繼續有德盃8強賽事，上屆盟主利華古遜主場鬥越級挑戰嘅科隆。「藥廠」依家3線作戰，難得遇弱必定想速戰速決，加上近期賽事常先發制人，博半場主勝早啲收錢。（周四凌晨3時45分開賽）

雖然今季嘅利華冇上季「不死藥廠」咁堅，但各項正式賽事近15場，豪取13勝1和僅1敗，除咗於德甲守住次席外，喺歐聯亦鎖定前8直接進身16強，連同德盃闖入8強，3線作戰仲勁過拜仁。當然要兼顧咁多條戰線唔容易，能夠慳水慳力咁贏就最好，尤其係對住實力較弱嘅對手，速戰速決方為上策，畢竟利華嚟緊聯賽要連撼禾夫斯堡同拜仁，今仗力求盡早入波，畀部分主力早啲休息，睇番佢哋近5場全部上半場領先，非常搶韁。

科隆心繫升班盃賽未必搏
另邊廂，科隆其實都好弗，近6場正式賽事獲5勝1負，依家位居德乙榜首，不過佢哋同前列幾隊積分都咬得好緊，睇番佢哋今屆3場德盃，法定時間只得1勝2和，即係有2次要靠互射12碼先晉級，唔算好認真，何況心繫爭升班，盃賽未必會搏，造訪一開波即搶嘅「藥廠」，隨時半場都頂唔住。