[东方报]英冠：列斯聯滴水不漏作客劈錫[02-24]

十七号

周二凌晨英冠爆發榜首大戰，排第2位嘅錫菲聯主場迎戰「領頭羊」列斯聯。兩隊近期狀態都弗到漏，有力攜手「包Q」下季重返英超。相比之下，列斯聯今季表現更為平穩，攻守兼備防線尤其滴水不漏，就連往績都食住錫菲聯，有力反客為主，不妨直取客勝。（周二凌晨4時開賽）

錫菲聯核心上陣成疑
錫菲聯近期走勢凌厲，錄得4連勝，不過近3仗所見贏得有啲吃力，往往要到最後20分鐘先搵到致勝入球，最慘係荷蘭核心古斯達禾咸馬上場因大腿筋受傷缺陣，今仗上陣成疑，冇咗呢位主力對錫菲聯影響甚大。翻查對賽往績，錫菲聯近5場對列斯聯輸咗4次，顯然冇乜板斧，今場搶分機會唔樂觀。

列斯聯喺英冠已經15場不敗，為重返英超全力踩油衝刺，佢哋近7場聯賽只失過1球勁誇張，單計近4場全勝狂轟15粒，文諾索羅門、韋費特干洛圖及丹尼爾占士等都係「英超級」球星，喺英冠自然大超班，加上今場可以「夫添」應戰，有望贏波鞏固榜首位置。