[东方报]歐霸：水晶宮穿窿撐比錫達斯

另一支英超球隊水晶宮亦會喺歐霸第3輪登場，造訪比錫達斯。水晶宮開咧後成績麻麻，防線又穿晒窿，撞正主場8連勝嘅比錫達斯，恐怕凶多吉少，讓球盤比錫達斯讓平半，上盤咪錯過。（Now 643周五凌晨3時直播）

上屆歐協聯盟主水晶宮，今季有功勳教頭格拉斯拿離隊，但接手嘅沙治認真唔掂檔，開咧後各項賽事踢咗10場波，只得4勝1和5負，聯賽淪為下游，頭2輪歐霸亦僅得1勝1負，包括上輪作客以2比3不敵沙治嘅舊東家里昂。水晶宮近年屢創佳績，全靠穩健防守，但今季成績下滑亦同防守走樣有關，呢10仗只得2場保持不失，單計近3仗失咗9粒，真係一篤就穿。

土超勁旅猛將如雲
另邊廂，比錫達斯雖然喺土超僅排第5位，但其實只係落後榜首加拉塔沙雷4分，呢班波坐擁杜辛華荷域、李安度杜沙特、尼迪迪等曾於5大聯賽效力嘅球星，實力絕對唔曳，頭2輪歐霸先後擊敗馬賽及賀芬咸，可見一斑。而且比錫達斯一向靠主場搵食，連同歐霸外圍賽在內，近8次主場出擊全勝，此消彼長之下，今仗可藉地利殺退水晶宮，上盤捧得過。