[东方报]歐冠：利物浦唔識入波冇氣細

上仗聯賽慘吞曼城3蛋嘅利物浦又登場，今晚歐聯早場作客奧甲球隊寧斯，「紅軍」首輪歐聯主場贏馬德里體育會2比1，今仗有望連捷，不過球隊近期入波唔多，近6仗5次開3球或以下，考慮到對手寧斯入球能力亦一般，一於向3.5球入球細埋手。（Now 638周四凌晨零時45分直播）

利物浦上場不敵曼城，7場不敗走勢告一段落，亦係伊拉奧拿上任首場敗仗，雖然呢場敗仗好大原因係賴恩格雲貝治被罰紅牌出場，十人應戰先搞到輸波，但球隊攻力確實稍差，特別係「水貨」域斯不斷浪費機會，令球隊空有攻勢入唔到波。

由於加普、阿歷山大伊沙克同蘇保斯拉爾仍然缺陣，域斯要繼續擔大旗，今場踢正選嘅巴特利巴高拿、安古莫夏同利維斯古馬斯今季都未開齋，今場仲要作客，就算贏都唔會贏得多。

寧斯擺陣死守
至於奧甲球隊寧斯近期同樣轉沉，國際賽檔期之前3仗1和2負，包括歐聯首輪0比1不敵AEK雅典，上輪奧甲重開又淨吞維也納迅速兩蛋，不過佢哋喺歐聯附加賽階段曾於主場大勝些路迪4比1，證明球隊喺主場有一定能力，今仗迎戰「紅軍」實會擺定陣死守，未必會大敗，中位數3.5球嘅入球細有計。